【LomoChrome Color ’92 & Lomography ISO 800】 執著美感的本地攝影師 — Wendy 的氛圍感攝影

主修美術的 Wendy 對美感比較執著，被夢幻的氛圍感吸引著的她，攝影作品常以特別的構圖和調色呈現，希望通過相機拍出故事。對於不擅長文字溝通的她，攝影更是一種情感的表達。在這篇文章中，Wendy 將分享她如何用 LomoChrome Color ’92 35mm ISO 400 彩色負片 和 Lomography ISO 800 35mm 彩色負片 拍下氛圍感，一起來看看吧！

Hello，歡迎來到 Lomography 雜誌！請先介紹一下自己。

Hello，你可以叫我 Wendy / 嫲嫲～我上年喺浸大電影學院畢業，主修美術。我對美感方面比較執著，無論係日常衣著打扮，普通 IG story / post，我都要排版同揀返啱 vibes 嘅 bgm。另外，因為我係 INFJ，仲要 94% F，對情感方面比較敏銳，所以攝影作品通常都係以特別構圖和調色表達。

你開始攝影的契機是甚麽呢？

我平時鍾意紀錄生活同朋友日常嘅搞笑事，見到有意思 / 有美感嘅事物 / 景物就會想影低，所以就開始接觸攝影。係社交媒體上面見到好有氛圍感嘅片 / 相，係會令到我更加有動力想影！

攝影對你而言是甚麼？

係一種表達。因為其實我文字方面好弱，自己偏向用畫面、藝術啲咁去表達一種情感，我覺得咁樣人哋可以更加感受到我想講咩。

如果要用三個詞語來形容你的攝影風格，你會覺得是？

故事感、千禧、夢幻

對你而言，菲林和數碼攝影最大的分別是？菲林攝影最吸引你的地方是？

冇得睇Play Back。菲林比較有年代感、電影感，色彩上比較鮮艷，仲有底片可以 Keep 返，紀錄得好似更加有意義，好啱出去同朋友玩影相！

這次拍攝有特定主題嗎？你的拍攝靈感來源是⋯⋯

沒有，都係紀綠日常生活，同埋多數都夜晚影。

你認為拍攝人像攝影時，甚麼是最重要的？拍攝時有甚麼貼士嗎？

我要知道 Model 咩角度比較靚，揚長避短，同埋要比自信佢！多啲讚佢！先會越影越放，對成輯相會有加成！

你在這次拍攝中最喜歡的照片是？原因是甚麼呢？

呢種綠油油同光配合得好舒服，I人的愛。

你對今次使用的 LomoChrome Color ’92 35mm ISO 400 和 Lomography ISO 800 有甚麼感受 ？在色彩和質感上，有特別讓你喜歡的部分嗎？

Lomography ISO 800 質感上比較細膩、色彩上偏綠、飽和度低，相對上 mood 啲，比較啱我口味！LomoChrome Color ’92 35mm 色彩比較偏暖，感覺好啱喺陽光底下同朋友玩嘅時候影相！

未來有甚麼攝影計劃和想嘗試的風格嗎？或者任何想跟 Lomography 社群分享的話！

想講攝影主題一次比一次難諗！呢排想嘗試多啲千禧嘅嘢！

感謝 Wendy 的用心拍攝和分享，如果你也鍾情於氛圍感拍攝，想看更多 Wendy 的作品，歡迎到訪她的 Instagram @t__w_p_ ！若你對 Wendy 今次使用的菲林感興趣，歡迎到 Lomography 的 網上商店 了解更多！

written by jaycecheung on 2025-06-07 in #people 分享文章