迪欣湖 ── 秋夏野餐大旅行(Inspiration Lake, Hong Kong)

2

常說城市人生活繁忙。是啊,尤其是香港人。只有二十來歲,剛出來做事不夠四年,已覺得自己身體已經開始退化(身體常累得常常想著,如可以像機械一樣把身體換上新的配件,多好)。

人老了,開始追求一些小學生的活動來!開始渴望有草地的野餐旅行,(當然要有自製食物才像樣!)Refresh 一下,為自己保充一下能源 Bar!

所以今次要介紹的地方就係 ─ 迪欣湖!

為什麼會想起迪欣湖?因為那裡有很多一大片一大片的草地,一個好大的人工湖(據說有成12公頃咁大,仲要係全港最大的人工湖呢!),同埋一條1.5公里的悠閒小徑(事實係緩跑徑喎)!人工湖中間仲有一個噴泉,噴泉的水可高達18米,運氣好的話仲有機會影低噴泉折射出唻的彩虹添啊!

在一個那麼大大大自然的地方,加上一班心情愉快的大細路,將平日的不快轉成玩樂的能量爆發出來,拍出來的相怎會不美?

是日野餐的食物如下:

1. 經典中的經典 ─ 菠蘿腸仔;
2. 可樂雞翼(煮得好入味,煮到溶晒);
3. 咖哩魚旦(加入蕃茄煮的秘製咖哩汁);
4. 香濃煙肉腸仔;
5. 豬頸肉三文治;
6. 果汁(野餐的話,飲果汁先可以配合當時的氣氛!所以唔建議買汽水!)

食完野閒逛呢度的悠閒小徑,小徑旁邊不時有一個一個的荷花小池。要近距離影荷花的不容錯過。但要小心,千祈唔好行得太近而跌落水喲!

在呢度出現的仲會有一家大細,十多對的甜蜜的新婚夫婦(還有跟上的是十個專業的攝影師和攝影儀器),隨時搵到免費 Model 俾你影返幾張靚相留念。迪欣湖有一個活動中心,可以租二人單、四人單車同水上單車玩樂一番.。影相、野餐之餘,仲可以做埋運動(踩架單車都幾消耗體力啊!),真係一次過滿足晒三個願望!

去迪欣湖,可以遠離繁囂的城市,回歸自然。在香港可以話係難得一見的好地方。見完記得約埋一班老友去野餐喇(註:請謹記野餐完之後要清理場地,唔好做垃圾蟲,唔好污染呢個咁靚的環境)!

開放時間:
上午9時至晚上7時

費用:
入場免費,租小艇、水上單車等另外收費

交通:
乘搭地下鐵路至迪士尼站或乘公車至大嶼山青嶼幹線轉車站轉乘R8路車($7)至迪欣湖活動中心。步行:從迪士尼站步行約 15 分鐘便可到達。

written by victat on 2010-07-17 in #places #hong-kong #olympus-xa #submit #location #picnic #asia #sx-70 #velvia-100 #hk #stage-1 #e2c #ct100 #city-guide #inspiration-lake #hasselblad-500cm #diy-redscale-with-lomo-400

2 個留言

  1. edithnine
    edithnine ·

    really nice photos!

  2. kaho152
    kaho152 ·

    nice one! congrats!!!

更多有趣的文章